राजावादीहरूको प्रदर्शनको घटनामा दोषीहरूलाई कानुनी दायराभित्र ल्याउन माग

काठमाडौँ, राष्ट्रिय स्वतन्त्र पार्टी (रास्वपा) ले शुक्रबार राजावादीहरूको प्रदर्शनका क्रममा घटेको घटनामा संलग्न दोषीहरूलाई कानुनी दायराभित्र ल्याउन माग गरेको छ । पार्टीको शनिबार बिहान बसेको केन्द्रीय सचिवालयको भर्चुअल बैठकले सो निर्णय गरेको हो ।

बैठकको निर्णय सार्वजनिक गर्दै पार्टीले भनेको छ, ‘काठमाडौँको तीनकुने, कोटेश्वर र जडीबुटी क्षेत्रमा २०८१ चैत्र १५ गते घटेको घटनामा संलग्न दोषीहरूलाई कानुनी दायराभित्र ल्याई यथोचित कारबाही सुनिश्चित गर्न उच्च न्यायिक छानबिन आयोग गठन गर्न सरकारसँग माग गर्ने ।त्यस्तै बैठकले पार्टीको केन्द्रीय समिति बैठक २०८१ चैत्र १८ गते पार्टीको केन्द्रीय कार्यालय वनस्थलीमा बोलाउने निर्णय पनि गरेको छ।