विदेशी पर्यटकले होटलमा चेक-इन गर्दा, सुरक्षा चेकजाँचमा, मनी एक्सचेन्जमा वा आन्तरिक हवाई टिकट काट्दा साथमा भौतिक पासपोर्ट÷भिसा नभए पनि एप देखाएमा त्यसैलाई आधिकारिक मान्यता दिने निर्णय प्रस्ताव गरिएको विभागका महानिर्देशक रामचन्द्र तिवारीले जानकारी दिए।
नेपाल आएका विदेशी नागरिकहरूले विभागको मोबाइल एपमा लगइन गरेर राहदानी विवरण प्रविष्ट गरेपछि उनीहरूको विवरण अध्यागमनको केन्द्रीय सर्भरमा जोडिने उनको भनाइ छ।
उनले त्रिभुवन अन्तर्राष्ट्रिय विमानस्थलमा हेल्प डेस्कहरू राखेर एप डाउनलोड तथा प्रयोगबारे विदेशी नागरिकहरूलाई सहजीकरण गर्ने तयारी भइरहेको पनि बताए।
त्यस्तै महानिर्देशक तिवारीले रसुवा बाढीपछि करिब १ हजार विदेशी नागरिक हराएको प्रारम्भिक रिपोर्ट आएको र विभिन्न कूटनीतिक नियोगहरूले खोजी गर्न आग्रह गरेको पनि बताए।
तर अध्यागमनको प्रणालीमा ’इन-आउट’ भएका र विदेशी नागरिक व्यवस्थापन सूचना प्रणालीमा दर्ता भई होटलमा बसेका बाहेक सबैको यकिन अवस्था तत्काल पत्ता लगाउन कठिनाइ भएको उनको भनाइ छ।
विभागको मोबाइल एपमा जोडिएपछि विपद् वा संकटका बेला को, कहाँ छ भनेर तत्काल ’ट्रेस’ गर्न र उद्धार गर्न सहज हुने महानिर्देशक तिवारीले उल्लेख गरे।
प्रतिक्रिया