कुन-कुन सेवा उपलब्ध हुनेछन्?
घुम्ती सेवा सञ्चालनका क्रममा गाउँपालिकाले नागरिकलाई विभिन्न प्रशासनिक तथा व्यक्तिगत घटना दर्तासम्बन्धी सेवा उपलब्ध गराउने जनाएको छ।
उक्त सेवाअन्तर्गत:
* जन्मदर्ता, मृत्युदर्ता तथा विवाह दर्ता।
* बसाइँसराइसम्बन्धी दर्ता तथा अन्य व्यक्तिगत घटना दर्ता।
* सामाजिक सुरक्षा भत्ता प्राप्त गर्ने लाभग्राहीको बायोमेट्रिक विवरण संकलन।
* गाउँपालिका तथा वडा कार्यालयबाट प्रदान गरिने विभिन्न सिफारिस सेवा।
गाउँपालिकाले सेवाग्राहीलाई आफूलाई पायक पर्ने स्थानमा तोकिएको मिति र समयमा स्वयं उपस्थित भई सेवा लिन अनुरोध गरेको छ।
गाउँपालिकाबाहिर रहेका नागरिकलाई सहज हुने अपेक्षा
गाउँपालिकाको यस पहलले काठमाडौं, इटहरीलगायतका स्थानमा बसोबास गर्दै आएका साल्पासिलिछोवासीलाई सामान्य प्रशासनिक कामका लागि गाउँसम्म पुग्नुपर्ने बाध्यता कम गर्ने अपेक्षा गरिएको छ।
विशेषगरी ज्येष्ठ नागरिक, सामाजिक सुरक्षा भत्ता लाभग्राही तथा व्यक्तिगत घटना दर्तासम्बन्धी सेवा लिनुपर्ने नागरिकलाई यस कार्यक्रमबाट प्रत्यक्ष लाभ पुग्ने देखिन्छ।
गाउँपालिकाले घुम्ती सेवा प्रभावकारी बनाउन सम्बन्धित स्थानमा तोकिएका जनप्रतिनिधि तथा कर्मचारीहरूसँग समन्वय गरी सेवा प्रवाह गर्ने जनाएको छ।
थप जानकारीका लागि: साल्पासिलिछो गाउँपालिका, गाउँ कार्यपालिकाको कार्यालय, चौंकीडाँडा, भोजपुर।
प्रतिक्रिया