काठमाडौँ । अख्तियारले कैलालीस्थित डिभिजन वन कार्यालय धनगढी र डिभिजन वन कार्यालय पहलमानपुरको कागजात नियन्त्रणमा लिएको छ।
मंगलबार अख्तियार दुरुपयोग अनुसन्धान आयोगको कार्यालय कञ्चनपुरबाट खटिएको टोलीले कागजात नियन्त्रणमा लिएको हो। ठुलो परिमाणमा अवैध तरिकाले काठ लिलाम गर्न खोजेको उजुरीमाथि अनुसन्धान गर्न कागजात नियन्त्रणमा लिइएको अख्तियारका प्रवक्ता (सहसचिव) सुरेश न्यौपानेले रातोपाटीलाई बताए।
दुवै डिभिजन वन कार्यालय अन्तर्गतका ११ वटा सामुदायिक वन उपभोक्ता समूहका १ अर्ब ३ करोड ७१ लाख मूल्य पर्ने ३ लाख ४५ हजार बढी क्युफिटको काठ अवैध तरिकाले लिलाम गर्न खोजिएको अख्तियारको आशङ्का छ।
दुवै डिभिजन वन कार्यालय अन्तर्गतका ११ वटा सामुदायिक वन उपभोक्ता समूहका १ अर्ब ३ करोड ७१ लाख मूल्य पर्ने ३ लाख ४५ हजार बढी क्युफिटको काठ अवैध तरिकाले लिलाम गर्न खोजिएको अख्तियारको आशङ्का छ।
प्रतिक्रिया