दक्षिण अफ्रिका विश्व टेस्ट च्याम्पियनसिपको फाइनलमा प्रवेश

काठमाडौं, दक्षिण अफ्रिका विश्व टेस्ट च्याम्पियनसिपको फाइनलमा प्रवेश गरेको छ । आइतबार भएको टेष्टमा पाकिस्तानलाई पराजित गर्दै दक्षिण अफ्रिका विश्व टेस्ट च्याम्पियनसिपको फाइनलमा प्रवेश गरेको छ ।

अन्तर्राष्ट्रिय क्रिकेट काउन्सिल (आईसीसी) ले आइतबार यो जानकारी दिएको हो । विश्व टेस्ट च्याम्पियनसिपको फाइनलमा पुग्ने दोस्रो टोली को हो भन्ने अझै स्पष्ट भइसकेको छैन। सेन्चुरियनमा भएको टेष्टमा दक्षिण अफ्रिकाले पाकिस्तानविरुद्ध ८ विकेट गुमाएर १५० रन बनाएको थियो ।

टोलीलाई १४८ रनको लक्ष्य थियो । दक्षिण अफ्रिकाका लागि कागिसो रबाडाले इनिङ्स सम्हाल्दै २६ बलमा ३१ रन बनाए । उनी अपराजित रहे । पाकिस्तानले पहिलो इनिङ्समा २११ रन बनाएको थियो । जवाफमा दक्षिण अफ्रिकाले ३०१ रन बनाएको थियो । पाकिस्तानको दोस्रो इनिङ्स २३७ रनमा मात्र सिमित भयो।