१० असार, काठमाडौं ।
नेपाली सांगीतिक क्षेत्रमा नयाँ गीत ‘जेठी हौ कि माइली ?’ सार्वजनिक भएको छ। गीतमा लोकप्रिय गायक राजेश पायल राई र चर्चित गायिका मेलिना राई को सुमधुर स्वर रहेको छ।
गीतमा बुद्धि कुलुङ्ग को शब्द रचना डि जे मेवाहाङ्ग को संगीत तथा निर्देशन सागर संसार राईको संगीत संयोजन रहेको छ भने राजु कार्कीले ध्वनि मिश्रण गरेका छन। त्यस्तै गरि सन्जिब बराईली, रत्न बि क , पोषण घर्ति मगर, समिर जैरु चर्चित बाध्यबादक हरुले यस गित मा बाध्यबादन भरेका छन्।
सार्वजनिक म्युजिक भिडियोमा एलिशा र एलिश राई को आकर्षक अभिनय देख्न सकिन्छ भने साथै मनिषा कुलुङ्ग र रिद्दिमा कुलुङ्गको समेत अभिनय रहेको छ, जसले भिडियोलाई थप जीवन्त बनाएको छ।
भिडियोको नृत्य निर्देशन कमल राई ले गरेका छन्। छायांकन शिव ढकाल को रहेको छ भने सम्पादन अमृत चापागाईं ले गरेका छन्। म्युजिक भिडियो निर्माणमा साङ्ग्केन क्रियसनले सामग्री सहयोग गरेका छन।
मौलिक संस्कृति, परम्परागत पहिरन र स्थानीय परिवेशलाई समेटेर तयार पारिएको ‘जेठी हौ कि माइली ?’ ले दर्शक तथा श्रोतामाझ सकारात्मक प्रतिक्रिया बटुल्ने अपेक्षा गरिएको छ। लोक स्वाद र आधुनिक प्रस्तुतीकरणको संयोजन रहेको यस गीतले नेपाली संगीतप्रेमीको मन जित्ने विश्वास निर्माण पक्षले व्यक्त गरेको छ। गीतलाई असार ७ गते विश्व संगीत दिवसको अवसर पारेर सार्वजनिक गरिएको हो।
प्रतिक्रिया